काठमाडौं- स्थानीय बजारमा मंगलबार सुनको मूल्य तोलामा ५ सय रूपैयाँले बढेको छ।

मंगलबारका लागि सुनको मूल्य प्रतितोला एक लाख ८८ हजार ८ सय रूपैयाँ तोकिएको नेपाल सुनचाँदी व्यवसायी महासंघले जनाएको छ।

सोमबार प्रतितोला एक लाख ८८ हजार तीनसय रूपैयाँमा खरिदबिक्री भएको थियो।

चाँदीको मूल्य प्रतितोला एक हजार ९ सय ७० रूपैयाँ कायम भएको छ। यो साता सोमबार पनि चाँदी सोही मूल्यमा कारोबार भएको थियो।

अन्तर्राष्ट्रिय बजारमा सुन प्रतिऔँस तीन हजार तीनसय १० अमेरिकी डलर हाराहारीमा कारोबार भइरहेको अन्तरराष्ट्रिय सञ्चारमाध्यमहरुले जनाएका छन्।