.jpg)
.jpg)
.gif)
.gif)
काठमाडौं- उपप्रधानमन्त्री एवम् सहरी विकासमन्त्री प्रकाशमान सिंह र भारतीय विद्युत, आवास तथा सहरी मामिलामन्त्री मनोहरलाल खट्टरबीच भेटवार्ता भएको छ।
.gif)
मन्त्री खट्टरले बुधबार उपप्रधानमन्त्री सिंहलाई सहरी विकास मन्त्रालय पुगेर शिष्टाचार भेट गरेका हुन्। भेटमा दुई देशको हित, पारस्परिक सम्बन्ध र सहरीकरणको क्षेत्रमा सहकार्यका विषयमा छलफल भएको छ।
.gif)
.gif)
‘भारतले सहरी विकासको क्षेत्रमा पछिल्लो समय गरेको प्रगति, फोहोरमैला व्यवस्थापन र सहरी यातायातमा हासिल गरेको उपलब्धिको अनुभव आदानप्रदान गर्ने र आगामी दिनमा यिनै विषयमा सहकार्यका बारेमा सकारात्मक छलफल भएको छ,’ भेटपछि सहरी विकास मन्त्रालयका सचिव गोपाल सिग्देलले भने।
उनले नपाल र भारत सरकारबीच सहरीकरणका अनुभव आदाप्रदान र सहायता परिचालनका लागि एमओयू तयार भइरहेको र त्यसमा छिट्टै सहमति भएपछि सहरी विकासको क्षेत्रमा दुई देशबिच औपचारिक सहकार्य अघि बढ्ने पनि जानकारी दिए।
