काठमाडौं- नेपाली बजारमा यो साता सुनको मूल्यमा लगातार गिरावट आएको छ। यो साता आइतबार प्रतितोला एक हजार ९ सय र सोमबार ७ सय रूपैयाँले घटेको सुनको मूल्य मंगलबार प्रतितोला चारसय रूपैयाँले घटेको छ।

मंगलबारका लागि सुनको मूल्य प्रतितोला एक लाख ७३ हजार चारसय रूपैयाँ तोकिएको छ। सोमबार सुन प्रतितोला एक लाख ७३ हजार ८ सय रूपैयाँमा कारोबार भएको थियो।

आइतबार प्रतितोला ७० रूपैयाँले घटेर सोमबार ३० रूपैयाँले वृद्धि भएको चाँदीको मूल्य भने मंगलबार स्थिर रहेको छ।

मंगलबार चाँदी प्रतितोला एक हजार ८ सय ३० रूपैयाँमा कारोबार भइरहेको छ।

यो साता सोमबार पनि चाँदी सोही मूल्यमा कारोबार भएको थियो।