काठमाडाैं- कोभिड संकट व्यवस्थापन समन्वय केन्द्र (सीसीएमसी)ले माघ १५ गतेसम्म बन्द गर्ने भनेका क्षेत्र माघ मसान्तसम्म बन्द गर्न सिफारिस गरेको छ।

कोराेना संक्रमण जोखिम कायमै रहेको भन्दै विद्यालयमा भौतिक उपस्थितिमा हुने पठनपाठनमा लगाइएको रोक माघ महिनाभर कायम राख्न सिफारिस गरेको हो।

सीसीएमसीको शुक्रबार बसेको बैठकले शिक्षा मन्त्रालयलाई यस्तो सिफारिस गर्ने निर्णय गरेको हो। यसअघि सीसीएमसीसीको सिफारिसअनुसार माघ १५ सम्म विद्यालयलगायत सबै शिक्षण संस्था बन्द गर्ने निर्णय भएको थियो।

कोभिड संक्रमणको जोखिम कम नभएका कारण शिक्षण संस्था खोल्न लगाइएको रोक थप लम्ब्याउन सीसीएमसीले सिफारिस गरेको हो। 

तर यसअघि निर्धारित परीक्षाहरु भने स्वास्थ्य मापदण्ड पालना गरेर सञ्चालन गर्न दिने सीसीएमसीले जनाएको छ।