काठमाडौं- स्टान्डर्ड चार्टर्ड बैंकले लाभांश घोषणा गरेको छ।

बैंकले गत आर्थिक वर्षको नाफाबाट आफ्ना सेयरधनीलाई २५.५० प्रतिशत लाभांश दिने घोषणा गरेको हो।

बैंककाे कात्तिक १३ गते मंगलबार बसेको सञ्चालक समितिको बैठकले यो वर्ष ६.५० प्रतिशत बोनस सेयर र करसहित १९ प्रतिशत नगद लाभांश दिने निर्णय गरेको हो।

बैंकको मंगलबार दाेस्रो बजारमा प्रतिकित्ता ६ सय ९९ रूपैयाँमा काराेबार भएको थियो। बैंकको साधारणसभाले लाभांश प्रस्ताव पास गरेपछि सेयरधनीले पाउने छन्।