काठमाडौं- आइतबार तोलामा १४ सय रूपैयाँले बढेको सुनको मूल्य सोमबार भने प्रतितोला चारसय रूपैयाँले घटेको छ।

नेपाली बजारमा आइतबार हालसम्मकै उच्च मूल्य प्रतितोला एक लाख ६७ हजार चारसय रूपैयाँ पुगेको सुनको मूल्य सोमबार प्रतितोला एक लाख ६७ हजार रूपैयाँ कायम रहेको नेपाल सुनचाँदी व्यवसायी महासंघले जनाएको छ।

सोमबार चाँदीको मूल्य पनि आइतबारको तुलनामा प्रतितोला २० रूपैयाँले घटेको छ।

महासंघका अनुसार सोमबारका लागि चाँदीको मूल्य प्रतितोला दुई हजार ६५ रूपैयाँ तोकिएको छ।

यो साता आइतबार चाँदी प्रतितोला दुई हजार ८५ रूपैयाँमा कारोबार भएको थियो।