काठमाडौं- आर्थिक वर्ष २०८१/८२ को पहिलो तीन महिनामा हिमालयन डिस्टिलरी लिमिटेड (एचडीएल) ले ८९.०४ प्रतिशतले खुद नाफा बढाएको छ। कम्पनीको नाफा  १०.५१ करोडबाट बढेर १९.८८ करोड पुगेको छ।  

कम्पनीले आम्दानीमा समेत उल्लेख वृद्वि गरेको छ।  गत वर्ष ९७ कराेड १८ लाख आम्दानी गरेकोमा चालु वर्षको तीन महिनामा १ अर्ब ४८ कराेड रुपैयाँ आम्दानी भएको छ। कम्पनीले अपरेटिङ आम्दानी १ अर्ब  ७२ कराेड रुपैयाँ गरेको छ।

प्रतिवेदनअनुसार हिमालयन डिस्टिलरीको सेयर पुँजी २ अर्ब ६७ अर्ब रहेको छ भने अन्य इक्विटी ८८.९६ करोड रुपैयाँ रहेको छ।

कम्पनीको प्रतिसेयर आम्दानी २९.७७ रुपैयाँ रहेको छ भने पीइ रेसियाे ४५.८६ गुणा रहेको छ। प्रतिसेयर नेटवर्थ १३३.२९ रुपैयाँ रहेको छ भने तरलता अनुपात ४.३२ रुपैयाँ रहेको छ।