काठमाडौं- राष्ट्र बैंकले १ खर्ब रुपैयाँ तरलता प्रशोचन गर्ने भएको छ। बैंकिङ प्रणालीमा अधिक तरलता भएपछि राष्ट्र बैंकले १३ दिनका लागि उक्त तरलता प्रशोचन गर्न लागेको हो।

कात्तिक १ गते ३ बजेसम्म जारी हुन लागेको उक्त निक्षेप संकलन उपकरण कात्तिक १४ गते परिपक्व हुने राष्ट्र बैंकले जनाएको छ।

हाल बैंकिङ प्रणालीमा करिब ८ खर्ब बढी रहेको छ। बैंकहरुको औसत कर्जा निक्षेप अनुपात ७८.२८ प्रतिशत रहेको छ। यस्तै अन्तरबैंकिङ ब्याजदर ३ प्रतिशत रहेको छ।

निक्षेप थपिने तर कर्जाको प्रवाह सोही अनुसार बढ्न नसक्दा राष्ट्र बैंकले बजारबाट तरलता प्रशोचन गर्दै आएको छ। आर्थिक गतिविधिले लय नलिँदा मौद्रिक बजार पनि सुस्त भएको छ।