काठमाडौं- एभरेष्ट बैंक लिमिटेडले बाढीपहिरो पीडितको सहयोगको लागि प्रधानमन्त्री दैवी उद्धार कोषमा ५० लाख रूपैयाँ सहयोग गरेको छ।
बैंकका प्रमुख कार्यकारी अधिकृत (सीईओ) सुदेश खालिङले प्रधानमन्त्री तथा मन्त्रिपरिषद् कार्यालय, सिंहदरबारमा प्रधानमन्त्री केपी शर्मा ओलीलाई उक्त रकमको चेक हस्तान्तरण गरेका हुन्।
गत असोज ११ र १२ गते आएको बाढी, पहिरो र डुबानबाट प्रभावितहरूलाई राहतका लागि उक्त कोषमा सहयोग गरिएको बैंकले जनाएको छ।
.jpg)
मुलुकलाई विपत्ति आइलागेको अवस्थामा विगतदेखि नै सहयोग गर्दै आएको पनि बैंकले जनाएको छ।
