काठमाडौं- अति आवश्यक अवस्थामा बाहेक कोरोना भाइरसको संक्रमणको जोखिम भएका मुलुकमा भ्रमण नगर्न अध्यागमन विभागले आग्रह गरेको छ।

बुधबार सूचनामार्फत विभागले नयाँ भेरियन्टको संक्रमणको जोखिम भएको मुलुकहरूमा नेपालबाट यात्रा गर्न योजना बनाएका व्यक्तिहरूले अति आवश्यक अवस्थाबाहेक यात्रा नगर्न अनुरोध गरेको हो। गत सोमबारको गृहमन्त्रिस्तरीय निर्णयअनुसार विभागले बुधबार ट्राभल एडभाइजरी जारी गरेको हो।

नेपाल सरकारले ओमिक्रोनको संक्रमण देखिएका दक्षिण अफ्रिका, बोत्सवाना, जिम्बाबे, नामिबिया, लेसोथो, इन्वाटिनी, मोजाम्बिक, मलावी र हङकङबाट सिधै नेपाल आउन वा ती मुलुकलाई ट्रान्जिट बनाएर नेपाल आउन  मंसिर १६ बाटै रोक लगाएकोमा त्यसलाई निरन्तरता दिएको छ। साथै तीन साताभित्र ती मुलुकको भ्रमण गरेका यात्रुसमेत नेपाल आउन नपाउने जनाइएको छ। 

यस्तो छ ट्राभल एडभाइजरी