काठमाडौं- सोमबार सामान्य बढेको सुनचाँदीको मूल्य मंगलबार पनि उकालो लागेको छ।

मंगलबार तोलामा दुईसय रूपैयाँले बढेर सुनको मूल्य प्रतितोला एक लाख ५२ हजार चारसय रूपैयाँ कायम छ।

यो साता आइतबार प्रतितोला एक हजार दुईसय रूपैयाँले घटेको सुनको मूल्य सोमबार एकसय रूपैयाँले बढेको थियो।

सोमबार तोलामा पाँच रूपैयाँले बढेको चाँदीको मूल्य पनि मंगलबार प्रतितोला १० रूपैयाँले वृद्धि भएको छ।

मंगलबारका लागि चाँदीको मूल्य प्रतितोला एक हजार ७ सय ६५ रूपैयाँ तोकिएको छ।