काठमाडौं- आइतबारको तुलनामा सोमबार सुनको मूल्य प्रतितोला तीनसय रूपैयाँले घटेको छ।

आइतबार तोलामा ६ सय रूपैयाँले घटेको सुनको मूल्य सोमबार पनि ओरालो लाग्दै प्रतितोला एक लाख ५२ हजार रूपैयाँ कायम भएको नेपाल सुनचाँदी व्यवसायी महासंघले जनाएको छ।

सुन यो साता आइतबार प्रतितोला एक लाख ५२ हजार ३ सय रूपैयाँमा कारोबार भएको थियो।

चाँदीको मूल्य पनि यो साता लगातार ओरालो लागेको छ।

आइतबार प्रतितोला २५ रूपैयाँले घटेको चाँदीको मूल्य सोमबार प्रतितोला २० रूपैयाँले घटेको हो।

सोमबार चाँदी प्रतितोला एक हजार ७ सय ७५ रूपैयाँमा कारोबार भइरहेको छ।

आइतबार चाँदी प्रतितोला एक हजार ७ सय ९५ रूपैयाँमा कारोबार भएको थियो।