काठमाडौं- एशियन लाइफ इन्स्योरेन्स कम्पनीले सेयरधनीलाई २७ प्रतिशत लाभांश प्रस्ताव गरेपछि सेयर मूल्य भने खासै बढ्न सकेको छैन।

इन्स्योरेन्सले २५ प्रतिशत सेयर र २ प्रतिशत नगद गरी २७ प्रतिशत लाभांश प्रस्ताव गरेको छ। इन्स्योरेन्सले अहिलेसम्म साधारणसभा र बुक क्लोजको मिती तोकेको छैन। लगातार नाफामा वृद्धि गर्दै गएको इन्स्योरेन्सले चालु आर्थिक वर्षको ९ करोड ६२ लाख ९४ हजार रुपैयाँ नाफा कमाएको छ। जुन गत वर्षको सोही अवधीमा भन्दा २.३८ प्रतिशले बढी हो। 

कम्पनीले यो अत्रवधिमा १ अर्ब ५९ करोड ७० लाख कुल बीमाुशल्क आर्जन गरेको छ। दुई अर्ब १ करोड चुक्तपूँजी रहेको कम्पनीको बोनस सेयर पछि चुक्तापूँजी २ अर्ब ५१ करोड पुग्ने छ। इन्स्योरेन्सको प्रतिसेयर आम्दानी १९.१६ रुपैयाँ र प्रतिसेयर नेटवर्थ १५४.३ रुपैयाँ रहेको छ। 

इन्स्योरेन्सको बुधबार ११६९.९० रुपैयाँमा अन्तिम कारोबार भएको थियो। प्रतिकित्ता १०.१० रुपैयाँले घटेको छ। इन्स्योरेन्सले ५२ हप्तामा अधिकतम मूल्य १५६५ रुपैयाँ रहेको थियो। भने न्यूनतम ९०३ रुपैयाँ रहेको थियो। कम्पनीको १८० दिनको औषत मूल्य १२९४ रुपैयाँ रहेको छ। गत वर्ष कम्पनीले १ः०.६ रेसियोमा हकप्रद जारी गरेको छ। 

कम्पनीले अहिलेसम्म सबैभन्दा धेरै आर्थिक वर्ष २०७०/७१ मा ३० प्रतिशत लाभांश दिएको थियो। भने सबैभन्दा थोरै २०७३/७४ मा ४.२१ प्रतिशत लाभांश दिएको थियो।

यसवर्ष पाँच वर्षयताकै धेरै लाभांश घोषणा गरेको छ। कम्पनीको २३ अर्ब ५२ करोड बजार भ्यालु पुगेको छ। कम्पनीको २ करोड १० लाख कित्ता सेयर सूचीकृत रहेको छ। 

चालू आवको पहिलो त्रैमाससम्ममा कम्पनीले जगेडामा ९८ करोड ५९ लाख ३१ हजार र जीवन बीमा कोषमा २७ अर्ब ९५ करोड २९ लाख सञ्चित गरेको हो।