.gif)
.jpg)
रसुवा- सुक्खा पहिराका कारण स्याफ्रुबेसी रसुवागढी सडक खण्ड अवरुद्ध भएको छ। गोसाइँकुण्ड गाउँपालिका-३ कलाङकुलुङ आसपास क्षेत्रमा करिब ७० मिटर माथिबाट मंगलबार आएको सुक्खा पहिराले राजमार्ग अवरुद्ध भएको हो।
राजमार्ग अवरुद्ध भएपछि मालवाहक कन्टेनर बाटोमा नै रोकिएका छन्।
.gif)
प्रमुख जिल्ला अधिकारी नवराज जैसीले पहिरो पन्छाउनका लागि स्थानीयस्तरमा सञ्चालित जलविद्युत् आयोजना र सडक कार्यालयको स्काभेटर उपकरण प्रयोगमा ल्याउन लागिएको जानकारी दिए। यसका लागि तीनवटै सुरक्षा निकाय परिचालन गरिएको उनले बताए। पहिरास्थलमा निरन्तर ससाना ढुङ्गा झर्ने क्रम जारी रहेकाले पन्छाउन समस्या परेको बताइएको छ। रासस
.gif)
.jpg)
