काठमाडौं- एकदिनको गिरावटपछि नेपाली बजारमा सुनचाँदीको मूल्य पुन: उकालो लागेको छ।

यो साता आइतबार तोलामा एक हजार रूपैयाँ र सोमबार चारसय रूपैयाँले बढेको सुनको मूल्य मंगलबार प्रतितोला एकसय रूपैयाँले घटेको थियो। बुधबार पुन: सुनको मूल्य प्रतितोला एक हजार ८ सय रूपैयाँले वृद्धि भएको छ।

बुधबारका लागि सुनको मूल्य प्रतितोला एक लाख ४७ हजार ८ सय रूपैयाँ तोकिएको छ।

मंगलबार सुन प्रतितोला एक लाख ४६ हजार रूपैयाँमा कारोबार भएको थियो।

मंगलबार प्रतितोला १० रूपैयाँले घटेको चाँदीको मूल्य पनि बुधबार प्रतितोला ४० रूपैयाँले बढेको छ।

बुधबार चाँदी प्रतितोला एक हजार ७ सय ८० रूपैयाँमा कारोबार भइरहेको छ। 

मंगलबार चाँदी प्रतितोला एक हजार ७ सय ४० रूपैयाँमा कारोबार भएको थियो।