काठमाडौं-  ग्लोबल आईएमई बैंक लिमिटेड आइतबारदेखि स्थापनाको १६औँ वर्षमा प्रवेश गरेको छ । 

१६ औँ वार्षिकोत्सवको अवसरमा बैंकले ४९ कर्मचारीहरुलाई सम्मान गरेको छ ।

बैंकका अध्यक्ष चन्द्रप्रसाद ढकालले ग्लोबल बैंकले उत्कृष्ट बैंकिङ्ग सबैका लागि भन्ने नाराका साथ आफ्नो स्थापनाको १५ वर्षमा १८ वटा बैंक तथा वित्तीय संस्थाहरु मर्जर तथा एक्विजिशनमार्फत आफूलाई अधिकांश वित्तीय सूचकहरुमा अब्बल बनाउन सफल रहेको बताए। 

प्रमुख कार्यकारी अधिकृत रत्नराज बज्राचार्य बैंकले आफ्नो सेवालाई ग्राहकमैत्री बनाउँदै अहिलेको डिजिटल युगमा समयसापेक्ष सेवा दिनेगरी आफ्नो लक्ष्य निर्धारण गरेर बैंक अगाडि बढेको बताए। 

हाल बैंकको ३३.७५ अर्ब रुपैयाँ सेयरधनी कोष, २७४ अर्ब रुपैयाँ निक्षेप संकलन र २६९ अर्ब रुपैयाँ कर्जा लगानी रहेको छ ।

बैंकले ७६ जिल्लामा रहेका आफ्ना २८७ शाखा, २६३ शाखा रहित बैंकिङ्ग सेवा, २५२ एटीएम, ४८ एक्स्टेन्सन काउन्टर र तीनवटा वैदेशिक सम्पर्क कार्यालय मार्फत उत्कृष्ट बैंकिङ्ग सेवा दिइरहेको छ।  बैंकमा ३ हजार २०० भन्दा बढी कर्मचारी तथा २७ लाख भन्दा बढी ग्राहकहरु छन्।