आइतबार, साउन ६ गते २०८१    
images
images
images

जेठ महिनामा भित्रियो १ खर्ब २९ अर्ब रेमिट्यान्स

images
बिजनेस न्युज
बिजनेस न्युज
बुधबार, असार २६ २०८१
images
images
जेठ महिनामा भित्रियो १ खर्ब २९ अर्ब रेमिट्यान्स
images

काठमाडौं- चालु आर्थिक वर्षको ११ महिनासम्ममा १३ खर्ब २७ अर्ब ५१ करोड रुपैयाँ रेमिट्यान्स भित्रिएको छ। बैशाख मसान्तसम्ममा ११ खर्ब ९८ अर्ब रुपैयाँ रेमिट्यान्स भित्रिएकोमा जेठ महिनामा थप १ खर्ब २९ अर्ब रुपैयाँ रेमिट्यान्स भित्रिएको छ। 

images
images

गतवर्ष तुलनामा रेमिट्यान्स १९.३ प्रतिशतले वृद्धि भएको छ। राष्ट्र बैंकको तथ्यांकअनुसार ११ महिनामा १३ खर्ब २७ अर्ब ५१ करोड पुगेको छ। अघिल्लो वर्षको सोही अवधिमा विप्रेषण आप्रवाह २२.७ प्रतिशतले बढेको थियो।

images

अमेरिकी डलरमा विप्रेषण आप्रवाह १७.३ प्रतिशतले वृद्धि भइ ९ अर्ब ९८ करोड पुगेको छ। अघिल्लो वर्ष यस्तो आप्रवाह १३.० प्रतिशतले बढेको थियो।

images

तथ्यांकअनुसार ११ महिनामा वैदेशिक रोजगारीका लागि अन्तिम श्रम स्वीकृति (संस्थागत तथा व्यक्तिगत-नयाँ) लिने नेपालीको संख्या ४ लाख २२ हजार ९३६ र पुनः श्रम स्वीकृति लिनेको संख्या २ लाख ६२ हजार ७०५ रहेको छ। अघिल्लो वर्षको सोही अवधिमा यस्तो संख्या क्रमशः ४ लाख ५९ हजार ४ सय १५ र २ लाख ६० हजार २ सय ६२ रहेको थियो।

समीक्षा अवधिमा खुद ट्रान्सफर १७.३ प्रतिशतले वृद्धि भइ १४ खर्ब ४३ अर्ब ६ करोड पुगेको छ। अघिल्लो वर्षको सोही अवधिमा यस्तो ट्रान्सफर २१.९ प्रतिशतले बढेको थियो। 


प्रकाशित : बुधबार, असार २६ २०८११७:०९
प्रतिक्रिया दिनुहोस
कार्यकारी सम्पादक

केदार दाहाल

सूचना तथा प्रसारण विभाग दर्ता नम्बर

२८३८/०७८-७९

© 2024 All right reserved to biznessnews.com  | Site By : SobizTrend