प्रतितोला चारसय रूपैयाँले घट्यो सुनको मूल्य, चाँदीको स्थिर

बिजनेस न्युज

सोमबार, असार २४ २०८१

प्रतितोला चारसय रूपैयाँले घट्यो सुनको मूल्य, चाँदीको स्थिर

सोमबार चाँदीको मूल्य प्रतितोला १८ सय ९० रूपैयाँ कायम छ। आइतबार पनि चाँदी सोही मूल्यमा कारोबार भएको थियो।

काठमाडौं- आइतबार तोलामा एक हजार रूपैयाँले बढेर हालसम्मकै उच्च बिन्दुमा पुगेको सुनको मूल्य सोमबार प्रतितोला चारसय रूपैयाँले घटेर ओरालो लागेको छ। सोमबार सुन प्रतितोला चारसय रूपैयाँले घटेको हो।

सोमबारका लागि छापावाल सुनको मूल्य प्रतितोला एक लाख ४५ हजार रूपैयाँ तोकिएको छ भने तेजाबी सुनको मूल्य प्रतितोला एक लाख ४४ हजार तीनसय रूपैयाँ कायम रहेको नेपाल सुनचाँदी व्यवसायी महासंघले जनाएको छ।