काठमाडौं- अघिल्लो सातायता लगातार उकालो लागिरहेको सुनको मूल्य यो साता पनि वृद्धितर्फ लागेको छ।

गत शुक्रबार तोलामा एकसय रूपैयाँले बढेर प्रतितोला एक लाख ४४ हजार चारसय रूपैयाँमा कारोबार भएको सुनको मूल्य यो साता आइतबार तोलामा एक हजार रूपैयाँले बढेर प्रतितोला एक लाख ४५ हजार चारसय रूपैयाँ पुगेको छ।

आइतबार तेजाबी सुन प्रतितोला एक लाख ४४ हजार सातसय रूपैयाँमा कारोबार भइरहेको छ।

लगातार बढिरहेको चाँदीको मूल्य पनि गएको शुक्रबाको तुलनामा आइतबार प्रतितोला २० रूपैयाँले उकालो लागेको छ। 

आज चाँदी प्रतितोला एक हजार ८ सय ९० रूपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ।