काठमाडौं- स्थानीय बजारमा सुनको मूल्यमा सामान्य वृद्धि भएको छ। आज शुक्रबार सुन तोलामा एक सय रुपैयाँले वृद्धि भएको छ।

नेपाल सुनचाँदी व्यवसायी महासंघका अनुसार, छापावाला सुन प्रतितोला एक सय रुपैयाँले वृद्धि भएको हो। बिहीबार प्रतितोला १ लाख ४४ हजार ३ सय रुपैयाँमा कारोबार भएको छापावाला सुन आज शुक्रबारका लागि भने १ लाख ४४ हजार ४ सय रुपैयाँ निर्धारण भएको छ।

तेजाबी सुन बिहीबार प्रतितोला १ लाख ४३ हजार ६ सय रुपैयाँमा कारोबार भएकामा आज शुक्रबारका लागि १ लाख ४३ हजार ७ सय रुपैयाँ निर्धारण भएको छ।

चाँदीको मूल्य बिहीबार प्रतितोला १ हजार ८ सय ६५ मा कारोबार भएकामा आज शुक्रबारका लागि भने १ हजार ८ सय ७० रुपैयाँ निर्धारण भएको छ।