.gif)
.jpg)
काठमाडौं- अब विदेश घुम्न जानेले वर्षमा दुईपटक मात्रै डलर सटहीको सुविधा पाउने छन्। डलर सञ्चिति घट्दै गएपछि राष्ट्र बैंकले पर्यटक भिसामार्फत घुम्न जानेको सटही सुविधामा कडाइ गरेको हो।
राष्ट्र बैंकले बुधबार जारी गरेको निर्देशनमा वर्षमा प्रतिराहदानी दुई पटकमात्र सटही सुविधा दिने घोषणा गरेको छ। बैंक तथा वित्तीय संस्थाहरुलाई जारी गरिएको निर्देशनअनुसार अब वर्षमा १५ सय डलरका दरले बढीमा दुई पटक मात्र उपलब्ध हुन्छ।
.gif)
कामदार भिसामा जानेलाई २०० डलर मात्र सटही सुविधा उपलब्ध गराउन थालिएको छ। राष्ट्र बैंकले सटही सुविधा लिनेहरुको स्रोतको स्वघोषणा पनि माग्ने ब्यवस्था गरेको छ। यसअघि यस्तो ब्यवस्था थिएन। राहदानीबाहक आफैँ उपस्थित भएको अवस्थामा मात्र सटही सुविधा उपलब्ध हुने ब्यवस्था गरेको छ।
.gif)
.jpg)
