काठमाडौं- नेपाली बजारमा बुधबार पनि सुनको मूल्य स्थिर रहेको छ भने चाँदीको सामान्य घटेको छ।

यो साता आइतबार प्रतितोला एक हजार ६ सय रूपैयाँले बढेको सुनको मूल्य सोमबार प्रतितोला ६ सयले घटेको थियो। मंगलबार स्थिर रहेको सुनको मूल्यमा बुधबार पनि कुनै परिवर्तन भएको छैन भने चाँदीको प्रतितोला १० रूपैयाँले घटेको छ।

बुधबार छापावाल सुनको मूल्य प्रतितोला एक लाख ४२ हजार २ सय रूपैयाँ तोकिएको छ भने तेजाबी सुनको मूल्य प्रतितोला एक लाख ४१ हजार पाँचसय रूपैयाँ कायम छ। सुन सोमबार र मंगलबार पनि सोही मूल्यमा कारोबार भएको थियो।

यस्तै चाँदी आज प्रतितोला एक हजार ८ सय ५ रूपैयाँमा कारोबार भइरहेको छ।