काठमाडौं- बीवाईडी अटो इन्डस्ट्री चाइनाकाे उच्चस्तरीय प्रतिनिधि मण्डलले नेपाल भ्रमण गरेको छ। बीवाईडी एसिया प्यासिफिक अटो सेल्स डिभिजनका महाप्रबन्धक लिउ जुलियाङसहित नेपाल आएको प्रतिनिधि मण्डलले प्रधानमन्त्री पुष्पकमल दाहालसँग पनि भेटवार्ता गरेको छ।

महाप्रबन्धक लिउ जुलियाङसहितको टोली मे ४ देखि ६ सम्म नेपाली बजारमा बीवाईडीको उपस्थिति बलियो बनाउन प्रतिबद्धतासहित भ्रमणमा आएको हो। 

गिलियन लीसहित प्रतिनिधिमण्डलको साथमा, प्यासेन्जर कार कार्यालयका निर्देशक ज्याभी वांग, उत्पादन प्रबन्धक कैसी के, कानूनी प्रबन्धक र डेपुटी महाप्रबन्धक केत्सु झाङको भ्रमणले बीवाईडीको उपस्थितिलाई सुदृढ पार्ने र नेपालको अटोमोटिभ परिदृश्यमा सहयोग वृद्धिलाई प्रोत्साहन गर्ने उद्देश्य रहेको छ।

मे ५ मा लिउ ज्युलियाङ र बीवाईडी टोलीले नक्साल र पुल्चोकमा रहेको बीवाईडी शोरुमको भ्रमण गरेका थिए। त्यसपछि प्रतिनिधि मण्डलले काठमाडौंको गुहेश्वरीमा रहेको बीवाईडी सर्भिस सेन्टरको भ्रमण गर्यो जसले नेपालमा असाधारण बिक्रीपछिको सेवा र समर्थन पूर्वाधार सुनिश्चित गर्न बीवाईडीको आधिकारिक बिक्रेता साइमेक्स इंक प्रतिबर्द्ध रहेको पुष्टि गरेको छ।

भ्रमणको मुख्य आकर्षण बीवाईडीको नेपालमा आधिकारिक बिक्रेता साइमेक्स इंकले आयोजना गरेको  बीवाईडी एपीएसी नेपाल स्ट्राटेजी समिट : एक्सिलरेटिङ ग्रोथ टुग्यादर रहेकाे थियो। काठमाडौंमा आयोजना भएको सो सम्मेलनले नेपालमा बीवाईडीको यात्रालाई प्रतिबिम्बित गर्न र भविष्यका प्रयासहरूको लागि पाठ्यक्रम तयार गर्न सरोकारवालाहरूका लागि सहयोगी मञ्चको रूपमा काम गरेको दाबी कम्पनीको छ। 

लिउ जुलियाङले बीवाईडीको सवारी लाइनअप निक्कै आकर्षक र भविष्यमुखी रहेको बताए। साथै लिउले सन् २०२२ र २०२३ मा ६० प्रतिशतभन्दा बढी ईभी नेपालले आएको विषयलाई प्रशंसा गर्दै दिगो गतिशीलतातर्फ लाग्न नेपाललाई आग्रह गरे।

बीवाईडीको उपलब्धिहरू र यसका साझेदारहरू र कर्मचारीहरूको योगदानको सम्मानमा साइमेक्सले मे छ मा विभिन्न कार्यक्रम गरेको थियो। 

भ्रमण नेपालका क्रममा प्रधानमन्त्री पुष्पकमल दाहाल (प्रचण्ड), बीवाईडीका लिउ जुलियाङ र साइमेक्सका अध्यक्ष अनिल श्रेष्ठ, प्रबन्ध निर्देशक यमुना श्रेष्ठलगायतले भेटेर विद्युतीय सवारीबारेमा छलफल गरेका थिए। 

लिउ जुलियाङको भ्रमणले नेपालमा विद्युतीय सवारी र त्यससँग सम्बन्धित विषयमा पारस्परिक वृद्धि र समृद्धिको लागि साझेदारीलाई थप सुदृढ पार्न बीवाईडी प्रतिबद्ध रहेको देखाएको छ।