काठमाडौं- बुधबार नेपाली बजारमा सुनचाँदीको मूल्य घटेको छ। अघिल्लो दिन स्थिर रहेको सुनको मूल्य बुधबार प्रतितोला २ हजार ७ सय रूपैयाँले घटेको हो।
बुधबारका लागि छापावाल सुनको मूल्य प्रतितोला १ लाख ३४ हजार ५ सय रूपैयाँ र तेजाबी सुन प्रतितोला १ लाख ३३ हजार ८ सय ५० रूपैयाँ तोकिएको छ।
मंगलबार छापावाल सुन प्रतितोला १ लाख ३७ हजार २ सय रूपैयाँ र तेजाबी सुन प्रतितोला १ लाख ३६ हजार ५ सय ५० रूपैयाँमा कारोबार भएको थियो।
त्यसैगरी बुधबार चाँदीको मूल्य पनि घटेको छ। बुधबारका लाथि चाँदी प्रतितोला १६ सय ३० रूपैयाँमा कारोबार भइरहेको छ। मंगलबार चाँदी प्रतितोला १६ सय ५० रूपैयाँमा कारोबार भएको थियो।
मंगलबारको तुलनामा बुधबार चाँदी प्रतितोला २० रूपैयाँ घटेको नेपाल सुनचाँदी व्यवसायी महासंघले जनाएको छ।