प्रतितोला १७ सय रूपैयाँले बढेर पुन: कीर्तिमानी मूल्यमा पुग्यो सुन

बिजनेस न्युज

मंगलबार, वैशाख ४ २०८१

प्रतितोला १७ सय रूपैयाँले बढेर पुन: कीर्तिमानी मूल्यमा पुग्यो सुन

मंगलबार सुनको मूल्य प्रतितोला १७ सय रूपैयाँले बढेर हालसम्मकै उच्च बिन्दुमा पुग्दा चाँदी पनि प्रतितोला ३५ रूपैयाँले महँगिएको छ।

काठमाडौं- नेपाली बजारमा सुनको मूल्य एक लाख ३९ हजार दुई सय रूपैयाँ पुगेको छ।

यो साता आइतबार एकैदिन प्रतितोला २२ सय रूपैयाँले घटेको सुनको मूल्य सोमबार प्रतितोला ७ सय रूपैयाँले बढेको थियो। मंगलबार पनि सुनको मूल्य उकालोतिरै लाग्दा कीर्तिमानी बिन्दुमा पुगेको छ।

मंगलबार प्रतितोला एक हजार सातसय रूपैयाँले बढ्दा छापावाल सुनको मूल्य प्रतितोला एक लाख ३९ हजार दुईसय रूपैयाँ पुगेको छ भने तेजाबी सुनको मूल्य एक लाख ३८ हजार पाँचसय ५० रूपैयाँ कायम छ।