.jpg)
.gif)
.gif)
काठमाडौं- नेपाली बजारमा यो साता पनि लगातार सुनको मूल्यमा वृद्धि भइरहेको छ। लगातार उकालो लाग्दै रेकर्ड बनाइरहेको सुनको मूल्य यो साता चार दिनमा चार हजार एकसय रूपैयाँले बढेको छ।
.gif)
आइतबार, सोमबार र मंगलबार तीनै दिन कीर्तिमानी मूल्यमा पुगेको सुन बुधबार पनि प्रतितोला पाँचसय रूपैयाँले बढ्दा हालसम्मकै उच्च कायम भएको नेपाल सुनचाँदी व्यवसायी महासंघले जनाएको छ।
.gif)
.gif)
महासंघका अनुसार बुधबारका लागि छापावाल सुनको मूल्य प्रतितोला एक लाख ३६ हजार ८ सय रूपैयाँ पुगेको छ भने तेजाबी सुनको मूल्य प्रतितोला एक लाख ३६ हजार एकसय ५० रूपैयाँ निर्धारण गरिएको छ।
आइतबार एकैदिन प्रतितोला दुई हजार ९ सय रूपैयाँले बढेर कीर्तिमानी मूल्यमा पुगेको सुनको मूल्य सोमबार पनि प्रतितोला ६ सय रूपैयाँले बढेको थियो। मंगलबार नेपाली बजारमा प्रतितोला एकसय रूपैयाँले बढ्दा सुन हालसम्मकै उच्च प्रतितोला एक लाख ३६ हजार तीन सय रूपैयाँमा कारोबार भएको थियो।
लगातार बढेर मंगलबार स्थिर रहेको चाँदीको मूल्य पनि आज प्रतितोला १५ रूपैयाँले बढेर हालसम्मकै उच्च कायम भएको छ। चाँदी आज प्रतिततोला एक हजार ७ सय रूपैयाँमा कारोबार भइरहेको महासंघले जनाएको छ।
