काठमाडौं- बिहीबार राति कतारका लागि उडेको नेपाल एयरलाइन्सको वाइडबडी जहाज बीच बाटोबाट नै काठमाडौं फर्काइएको छ।

२ सय ६५ जना यात्रु बोकेको जहाजको 'हाइड्रोलिक सिस्टम' मा समस्या देखिएपछि काठमाडौं फर्काइएको नेपाल एयरलाइन्सले जनाएको छ।

बिहीबार राति १२ बजे उडेको वाइडबडीको  हाइड्रोलिक सिस्टममा समस्या देखिएपछि चालक दलले काठमाडौं नै फर्काएका थिए।

निगम प्रवक्ता रमेश पौडेलका अनुसार यात्रुलाई रात्रि नै अर्को जहाजबाट कतार पठाइएको छ। उक्त जहाज मर्मत भइसकेको र दिउँसो १:४५ बजे दिल्ली उडान हुने प्रवक्ता पौडेलले बताएका छन्। 

मर्मतका लागि इजरायल पठाइएको जहाज उतै रोकिएका कारण दुईवटा हुने गरेको दिल्ली उडान पनि लामो समयदेखि एउटामात्रै भइरहेको छ।