काठमाडौं- नेपाली बजारमा बिहीबार सुनको मूल्य प्रतितोला एक लाख २५ हजार रूपैयाँ पुगेको छ।

मंगलबार दुई हजार र बुधबार तोलामा पाँचसय रूपैयाँले बढेको सुनको मूल्य बिहीबार प्रतितोला १५ सय रूपैयाँले बढेर हालसम्मकै उच्च बिन्दुमा पुगेको हो। यस्तै तेजाबी सुनको मूल्य आज प्रतितोला एक लाख २४ हजार चारसय रूपैयाँ कायम छ।

यो साता मंगलबार र बुधबार दुवै दिन सुनको मूल्य कीर्तिमानी बिन्दुमा पुगेको थियो। मंगलबार प्रतितोला एक लाख २३ हजार  र बुधबार सुन प्रतितोला एक लाख २३ हजार पाँचसय रूपैयाँमा कारोबार भएको थियो।

चाँदीको मूल्य पनि बिहीबार बढेको छ। मंगलबार प्रतितोला ३५ रूपैयाँले बढेर बुधबार प्रतितोला पाँच रूपैयाँले घटेको चाँदीको मूल्य बिहीबार प्रतितोला ३० रूपैयाँले बढेको नेपाल सुनचाँदी व्यवसायी महासंघले जनाएको छ। 

महासंघका अनुसार चाँदी आज प्रतितोला एक हजार चारसय ७० रूपैयाँमा कारोबार भइरहेको छ।