काठमाडौं- यो साता लगातार दुईदिन बढेको सुनको मूल्य मंगलबार भने स्थिर रहेको छ। 

मंगलबार छापावाल सुन तोलामा एक लाख १८ हजार र तेजाबी सुनको मूल्य प्रतितोला एक लाख १७ हजार ४५० रूपैयाँ कायम रहेको नेपाल सुनचाँदी व्यवसायी महासंघले जनाएको छ। सोमबार पनि सुन सोही मूल्यमा कारोबार भएको थियो। 

सुनको मूल्य आइतबार प्रतितोला पाँचसय र सोमबार प्रतितोला चारसय रूपैयाँले वृद्धि भएको थियो।

सोमबार प्रतितोला १४ सय १० रूपैयाँ मूल्य तोकिएको चाँदी आज पनि सोही मूल्यमा कारोबार भइरहेको छ।

आइतबार प्रतितोला चारसय २० रूपैयाँले बढेको चाँदीको मूल्य सोमबार भने २० रूपैयाँले घटेको थियो।