काठमाडौं- नेपाल आयल निगमले एलपी ग्याससहित पेट्रोलियम पदार्थको मूल्य बढाएको छ।

आज राति १२ बजेदेखि लागु हुने गरी निगमले इन्धनको मूल्य बढाएको हो। जसअनुसार पेट्रोलको मूल्य प्रतिलिटर चार रुपैयाँ र डिजेल/मट्टीतलेको मूल्य प्रतिलिटर २ रुपैयाँले बढाएको ह‌ो।

निगमले एलपी ग्यासको मूल्य पनि प्रतिसिलिन्डर १५ रुपैयाँले बढाएको छ। अब ग्यासको मूल्य प्रतिसिलिन्डर १ हजार ९ सय १० रुपैयाँ पुगेको छ।

दोस्रो वर्गअन्तर्गत सुर्खेत र दाङमा पेट्रोलको मूल्य प्रतिलिटर १ सय ६९ र डिजेलको मूल्य १ सय ५७ रुपैयाँ कायम भएको छ।

तेस्रो वर्गअन्तर्गत काठमाडौं, पोखरा र दिपायलमा पेट्रोलको मूल्य प्रतिलिटर १ सय ७० र डिजेलको मूल्य १ सय ५८ रुपैयाँ कायम भएको छ।