शनिबार, वैशाख २७ गते २०८२    
शनिबार, वैशाख २७ २०८२
images
images

ताल्चा सल्लेरी सडक स्तरोन्नतिमा अनियमितता, तत्कालीन निमित्त प्रप्रअसहित १० जनाविरुद्ध भ्रष्टाचार मुद्दा

images
सोमबार, माघ १५ २०८०
images
ताल्चा सल्लेरी सडक स्तरोन्नतिमा अनियमितता, तत्कालीन निमित्त प्रप्रअसहित १० जनाविरुद्ध भ्रष्टाचार मुद्दा

रारा नगरपालिकाको वडा नम्बर ७ र ८ स्थित ताल्चा सल्लेरी सडक स्तरोन्नतिमा अनियमितता गरेको भन्दै अख्तियारले मुद्दा दायर गरेको हो।

images
images

काठमाडौं- मुगुको छायाँनाथ रारा नगरपालिका कार्यालयका तत्कालीन निमित्त प्रमुख प्रशासकीय अधिकृत, इन्जिनियर र वडाध्यक्षसहित १० जनाविरुद्ध भ्रष्टाचार मुद्दा दायर भएको छ।

images
images
images

रारा नगरपालिकाको वडा नम्बर ७ र ८ स्थित ताल्चा सल्लेरी सडक स्तरोन्नतिमा अनियमितता गरेको भन्दै अख्तियार दुरुपयोग अनुसन्धान आयोगले तत्कालीन निमित्त प्रप्रअ पिताम्बर सारु, इन्जिनियर महेश सिंह कठायत, असिस्टेन्ट सबइन्जिनियर हस्तबहादुर मल्ल र ८ नम्बर वडाका वडाध्यक्ष कर्ण रावलसहित १० जनाविरुद्ध मुद्दा दायर गरेको हो।

images
images

ताल्चा सल्लेरी सडक स्तरोन्नतिमा मानिसबाट अर्डिनरी स्वायल, हार्ड स्वायल, सफ्ट रक, मिडियम रक र हार्ड रक कटिङ गुर्नपर्ने भनी लागत अनुमान स्वीकृत गरी अर्डिनरी स्वायलको मात्र मेसिनबाट खन्ने र अन्य काम मानिसबाट गराएर कामको बढी मूल्यांकन गराइ २८ लाख ६२ हजार ४ सय ५९ रूपैयाँ भ्रष्टाचार गरेको अख्तियारले जनाएको छ।

images
images

यस्तै सडक निर्माण उपभोक्ता समितिका अध्यक्ष उन बहादुर शाही, सचिव राधिका रावल र कोषाध्यक्ष बिजुली मल्ल, सडक निर्माण अनुगमन समितिका सदस्य चक्रबहादुर सावत, सदस्य हजर कला कामी र वडा नम्बर ७ का तत्कालीन सदस्य पशुपति शाहीविरुद्ध पनि मुद्दा दायर भएको छ।

मुद्दा दायर गरिएको दशै जनाविरुद्ध २८ लाख ६२ हजार ४ सय ५९ रूपैयाँ बिगो कायम गरी सोमबार विशेष अदालत काठमाडौंमा मुद्दा दायर गरिएको अख्तियारले जनाएको छ। 


प्रकाशित : सोमबार, माघ १५ २०८०१६:०९

प्रतिक्रिया दिनुहोस
कार्यकारी सम्पादक

केदार दाहाल

सूचना तथा प्रसारण विभाग दर्ता नम्बर

२८३८/०७८-७९

© 2025 All right reserved to biznessnews.com  | Site By : SobizTrend