काठमाडौ- सन् २०२३ मा २ लाख ४ हजार ५ सय १८ जना नेपाली भिजिट भिसामा विदेश गएका छन्। 

अध्यागमन विभागले प्रकाशित गरेको तथ्यांकअनुसार सन् २०२३ मा भिजिट भिसामा विदेश जानेमा पुरुषको संख्या धेरै रहेको छ। १ लाख ३० हजार ९२६ पुरूष र ७३ हजार ५७५ महिला भिजिट भिसामा विदेश गएका छन्। 

सन् २०२३ मा १६ लाख ३ हजार ८ सय ३६ नेपाली विभिन्न उद्देश्यका लागि विदेशिएका छन्। जसमा सबैभन्दा धेरै वैदेशिक रोजगारीमा गएका छन्। वैदेशिक रोजगारीमा जानेमा अधिकांश पुरूषको संख्या रहेको छ। 

त्यस्तै पारिवारिक भ्रमणमा जानेको संख्या १ लाख ६७ हजार रहेका छन्। 

एक वर्षमै स्थायी बसोबासका लागि भन्दै ७० हजार ९ सय १५ जना नेपाली बाहिरिएका छन्। अस्थायी बसोबासबा लागि भन्दै ९२ हजार ३ सय ४९ जना विदेशिएका छन्।