.jpg)
.gif)
.gif)
काठमाडौं- नेपाल भ्रमणमा रहेका श्रीलंकाका परराष्ट्रमन्त्री मोहम्मद उभियास मोहम्मद अली साब्री आज शुक्रबार काठमाडौंको चन्द्रागिरि पुगेका छन्।
.gif)
आज अपरान्ह चन्द्रागिरि पुगेका परराष्ट्रमन्त्री साब्रीलाई चद्रागिरी हिल्सका अध्यक्ष हेमराज ढकालले स्वागत गरे। साथै अध्यक्ष ढकालले मन्त्री साब्रीलाई त्यहाँको ऐतिहासिक, धार्मिक तथा पर्यटकीय महत्वका बारेमा जानकारी गराए।
.gif)
.gif)
चद्रागिरि हिल्सका निमित्त महाप्रबन्धक श्याम तण्डुकारका अनुसार परराष्ट्रमन्त्री साब्री खुलेको आकाश लहरै देखिएका सुन्दर हिमालका दृश्यले निकै मोहित भएका थिए। उनी विभिन्न स्थानमा सेल्फी खिच्दै रमाए।
चन्द्रागिरि हिल्स दक्षिण एशियाकै एक महवपूर्ण पर्यटकीय र धार्मिक गन्तव्यका रुपमा विकास भइरहेको छ। सो हिल्समा केबलकार चढेर यसअघि पनि विभिन्न देशका सरकारप्रमुख तथा राष्ट्राध्यक्षका साथै अन्तर्राष्ट्रिय व्यक्तित्वहरु पुगेका थिए।
यसअघि यहाँ चिनियाँ विदेश मन्त्री वाङ यी पनि पुगेका थिए। विदेशमन्त्री यीले त्यहाँबाट केही तलसम्म ट्रेकिङ पनि गरेका थिए।
