काठमाडौं- नेपालका दुई प्रमुख दातृ संस्था एसियाली विकास बैंक र विश्व बैंकले जलविद्युतमा लगानी गर्न सहकार्य गर्ने भएका छन्। 

यी दुई संस्थाले नेपालमा दिगो जलविद्युतको विकासका लागि सहकार्य गर्नका लागि सैद्धान्तिक सम्झौता गरेका छन्। यूएईको दुबईमा जारी कोप २८ अन्तर्गत साइडलाइन वार्तामा यी दुई संस्थाले सम्झौता गरेका हुन्। 

विशेषगरी माथिल्लो अरुण र दूध कोशीजस्ता आयोजनामा लगानीका लागि साझेदारी गर्ने सम्झौता गरेका छन्। 

नवीकरणीय ऊर्जालगायतका अन्य जलवायु परिवर्तन अनुकूलित परियोजनामा सयुक्त लगानी गर्ने गर्ने यी दुई संस्थाले सहमति गरेका छन्।