.jpg)
.jpg)
.gif)
.gif)
काठमाडौं- बुधबार नेपाली बजारमा सुनचाँदीको मूल्य घटेको छ। मंगलबार प्रतितोला २ हजार ४ सय रूपैयाँले घटेको सुनको मूल्य बुधबार प्रतितोला ८ सय रूपैयाँले घटेको नेपाल सुनचाँदी व्यवसायी महासंघले जनाएको छ।
महासंघका अनुसार बुधबारका लागि छापावाल सुनको मूल्य प्रतितोला एक लाख १८ हजार चार सय रूपैयाँ तोकिएको छ भने तेजाबी सुनको मूल्य प्रतितोला एक लाख १७ हजार ८ सय ५० रूपैयाँ कायम छ।
.gif)
यो साता आइतबार सुनको मूल्य प्रतितोला १८ सयले बढेको थियो भने सोमबार प्रतितोला ८ सय रूपैयाँले बढेर सुनको मूल्य हालसम्मकै उच्च बिन्दुमा पुगेको थियो। सोमबार छापावाल सुनको मूल्य प्रतितोला एक लाख २१ हजार ६ सय रूपैयाँ र तेजाबी सुनको मूल्य प्रतितोला एक लाख २१ हजार रूपैयाँ कायम थियो।
.gif)
.jpg)
बुधबार चाँदीको मूल्य पनि घटेको छ। मंगलबार तोलामा ४५ रूपैयाँले घटेको चाँदीको मूल्य बुधबार प्रतितोला २० रूपैयाँले घटेको हो। बुधबार चाँदीको मूल्य प्रतितोला एक हजार ४ सय ८० रूपैयाँ तोकिएको महासंघले जनाएको छ।
