काठमाडौं- एभरेष्ट बैंक लिमिटेडले जाजरकोट भूकम्प पीडितलाई २५ लाख रूपैयाँ सहयोग गरेको छ।

बैंकले आफ्नो संस्थागत सामाजिक उत्तरदायित्वअन्तर्गत भूकम्प पीडितको उद्धार तथा राहतका लागि प्रधानमन्त्री दैवी प्रकोप राहत उद्धार कोषमा जम्मा गरेको हो। उक्त रकमबाट भूकम्प प्रभावितहरुको राहत र उद्धारमा थोरै भए पनि सहयोग पुग्ने र आगामी दिनमा समेत यस्ता सहयोग जारी रहने बैंकले जनाएको छ।

संस्थागत सामाजिक उत्तरदायित्वअन्तर्गत शिक्षा, स्वास्थ, दैवी प्रकोप व्यवस्थापन, वातावरण संरक्षण, संस्कृतिक प्रवर्द्धन, दुर्गम क्षेत्रमा पूर्वाधार सुधार, सामाजिकरुपले पिछडिएका वर्गको आयआर्जन, वित्तीय साक्षरता, ग्राहक संरक्षणसम्बन्धी कार्यक्रम तथा विभिन्न परोपकारी कार्य गर्दै आइरहेको बैंकले जनाएको छ।

गएको शुक्रबार राति जाजरकोट केन्द्रबिन्दु बनाएर गएको भूकम्पबाट जाजरकोट र रुकुम पश्चिममा ठूलो पुगेको छ। हालसम्म १५० भन्दा बढीको मृत्यु भइसकेको छ भने त्यहाँका अधिकांश घरहरु ध्वस्त भएका छन्।