काठमाडौं- विपद् जोखिम न्यूनीकरण तथा व्यवस्थापन राष्ट्रिय परिषद्को १३औं बैठक सिंहदरबारमा सुरु भएको छ। प्रधानमन्त्री पुष्प कमल दाहाल ‘प्रचण्ड’ को अध्यक्षतामा सिंहदरबारमा बैठक सुरु भएको हो। बैठकमा मन्त्री सहित सुरक्षा निकाय र अन्य निकायका प्रमुखहरु सहभागी रहेका छन्।

जाजरकोट र रुकुम पश्चिम शुक्रबार राति ११ बजेर ४७ मा भूकम्पका कारण ठूलो धनजनको क्षति भएपछि राहत तथा उद्धारका लागि विभिन्न निर्णय लिनका लागि बैठक डाकिएको हो। विपद् जोखिम न्यूनीकरण तथा व्यवस्थापनमा छलफल पछि सरकारले मन्त्रिपरिषद्बाट राहत घोषणा गर्ने छ। 

जाजरकोटको रामीडाँडा केन्द्रबिन्दु भएर  ६ दशमलव ४ रेक्टर स्केलको भूकम्पबाट जनधनको क्षतिहुँदा ती दुई जिल्ला शोकमा डुबेको हो। 

प्रहरीको अद्यावधिक विवरणअनुसार भूकम्पमा परी अहिलेसम्म एक सय ५७ जनाको ज्यान गइसकेको छ भने करिब २०० जना घाइते अवस्थामा छन्।