काठमाडौं- सरकारले सभाखोला बी जलविद्युत आयोजनाको भौतिक पूर्वाधारहरु निर्माण गर्न वन क्षेत्रको जग्गा २५ वर्षसम्म प्रयोग गर्न र सो वन क्षेत्रमा रहेका एक सय २४ वटा रुखहरु हटाउन स्वीकृति दिएको छ।

कात्तिक १६ गते बसेको मन्त्रिपरिषद्को बैठकले सभाखोला बी जलविद्युत आयोजनाको भौतिक पूर्वाधारहरू निर्माण गर्न संखुवासभा जिल्लाको सभापोखरी गाउँपालिकामा वडा नं ३, ४, ५ र ६ मा रहेको राष्ट्रिय वन क्षेत्रको ४.२९०४ हेक्टर जग्गा २५ वर्षसम्म प्रयोग गर्न दिने तथा सो वन क्षेत्रमा रहेका १२४ वटा रुखहरू हटाउन स्वीकृति दिने निर्णय गरेको हो।

यस्तै बैठकले मदन भण्डारी राजमार्गअन्तर्गत सुर्खेत जिल्लास्थित खम्बागाडे-पलौटे-विध्यापुर गुटु-मायाताल सडकखण्डको स्तरोन्नतिको लागि राष्ट्रिय वन क्षेत्रको १४.५९ हेक्टर जग्गा प्रयोग गर्न दिन र सो जग्गामा रहेका विभिन्न प्रजातीका १.२९२ रुखहरू हटाउन स्वीकृति दिने निर्णय पनि गरेको छ।

सरकारले सहसचिव विश्वबाबु पुडासैनी र राधिका अर्याललाई सचिवमा बढुवा गर्ने निर्णय पनि गरेको छ।

यी हुन् मन्त्रिपरिषद् बैठकका पछिल्ला निर्णयहरु :