हेलिकप्टर र दुर्गम उडानको नियमन र अनुगमनका लागि 'टास्क फोर्स' बनाइने

बिजनेस न्युज

बुधबार, असार २७ २०८०

हेलिकप्टर र दुर्गम उडानको नियमन र अनुगमनका लागि 'टास्क फोर्स' बनाइने

काठमाडौं- नेपाल नागरिक उड्डयन प्राधिकरणले हेलिकप्टर तथा दुर्गम उडानको नियमन तथा अनुगमनका लागि 'स्पेसल टास्क फोर्स' गठन गर्ने निर्णय गरेको छ। यो टिमले दैनिक रुपमा हेलिकप्टर तथा दुर्गम उडानको नियमन तथा अनुगमन गर्ने छ।

साथै उक्त टिमले हवाई उडानमा लापरबाही गर्नेलाई कारबाहीको सिफारिस समेत गर्ने छ। टिममा सबै सेक्टरका प्रतिनिधि सहभागी हुने प्राधिकरणले जनाएको छ।

पछिल्लो समय हेलिकप्टर दुर्घटना बढेपछि प्राधिकरणले दुर्घटना न्यूनीकरणका लागि विभिन्न उपाय अपनाउने निर्णय गरेको छ। जसमध्ये 'स्पेसल टास्क फोर्स' समेत एक हो।