काठमाडौं- दुई ठूला वाणिज्य बैंक लक्ष्मी र सनराइज बैंक मर्जरमा जाने अन्तिम सम्झौता हुने भएको छ। दुई बैंकबीच सोमबार सम्झौतापत्रमा हस्ताक्षर हुन लागेको हो। 

प्रारम्भिक सम्झौता हुँदा दुवै बैंकबाट दुई/दुई जना हुने गरी मर्जर समिति बनाइएको थियो। लक्ष्मी र सनराइज बैंक बराबरी हैसियत अर्थात १ः१ को स्वाप सेयर आदन प्रदान अनुपातमा गाभिने गरी सम्झौता हुन लागेको हो।

बैंकको सीईओ लक्ष्मी बैंकका अजय विक्रम शाह हुने सहमति भएको छ। 

मर्जरपछि बन्ने बैंकको नाम लक्ष्मी सनराइज बैंक हुनेछ।

लक्ष्मी बैंकको चुक्ता पुँजी ११ अर्ब ५५ करोड रूपैयाँ छ भने सनराइज बैंकको १० अर्ब ११ करोड रूपैयाँ छ। दुई बैंक मर्जपछि २१ अर्ब ६५ करोड चुक्ता पुँजी हुनेछ।