.jpg)
.gif)
.gif)
काठमाडौं- काठमाडौंको टोखामा ३५ फिट अग्लो बुद्धको मूर्ति निर्माण हुने भएको छ।
टोखा नगरपालिकाले झोर महांकालमा ३५ फिट अग्लो बुद्धकोमूर्ति निर्माण गर्न लागेको हो। नगरपालिकाका प्रमुख प्रकाश अधिकारीले टोखा नगरपालिकाको ८२ लाख लागतमा ३५ फिट अग्लो बुद्धको मूर्ति निर्माण गर्न लागिएको जानकारी दिए।
.gif)
सो मूर्ति निर्माणका लागि टोखा नगरपालिकाले श्रीबहादुर तामाङको अध्यक्षतामा झोर महांकाल बुद्धमूर्ति निर्माण उपभोक्ता समितिसमेत गठन गरिसकेको छ। दुई वर्ष अगाडि नै उक्त मूर्ति निर्माण अगाडि बढेको भए पनि यस वर्षमात्रै निर्माण सुरू भएको टोखा-१ का वडाअध्यक्ष रमेशकुमार लामिछानेले जानकारी दिए।
.gif)
.jpg)
उक्त बुद्धको मूर्ति एक वर्षभित्र पूरा भइसक्ने सो नगरपालिकाले जनाएको छ। टोखा नगरपालिका-१ स्थित झोर महांकाल देवीसँगै रहेको ६१ रोपनी सार्वजनिक जग्गामध्ये हाल दुई रोपनी क्षेत्रफलमा उक्त बुद्धको मूर्ति निर्माण हुन लागेको हो। बुद्धको मूर्ति निर्माणसँगै उक्त क्षेत्रमा आन्तरिक तथा बाह्य पर्यटन प्रवर्द्धनमा सहयोग पुग्ने वडाध्यक्ष लामिछानेले बताए। रासस
