काठमाडौं- नेपाल एयरलाइन्सको वेबसाइटबाट हवाई टिकट बुकिङ गर्दा आईएमई पे मार्फत् भुक्तानी गर्न सकिने भएको छ। आइएमई पे र नेपाल एयरलाइनसबीच आइएमई पे विद्युतीय भुक्तानी सेवाप्रदायक रहने सम्मझौता भएको छ। 

सम्झौता अनुसार यात्रुले नेपाल एयरलाइनसको वेबसाईटबाट टिकट बुक गर्दा आईएमई पे मार्फत भुक्तानी  गर्नसक्ने छन्। 

नेपाल एयरलाइनसको वेबसाईटमा गइ आफ्नो आवश्यकता अनुरुपको गन्तव्य र मिती छानी, मागिएको विवरण भरि चेकआउट गर्ने क्रममा आइएमई पे छनौट गरी सजिलै भुक्तानी गर्न सकिने कम्पनीले जानकारी दिएको छ।