काठमाडौं-  आईएमई पे र डेली ग्रोसरी सुपरमार्केटबीच सम्झौता भएको छ। 

सम्झौता अनुसार आईएमई पेका ग्राहकहरूले सामान खरिदमा छुट पाउने भएका छन्। आईएमई पे को भिसा कार्ड प्रयोग गरी डेली ग्रोसेरीमा किराना सामानहरू खरिद गर्दा  १० प्रतिशत छुट पाउने भएका छन्। 

यसरी छुट पाउने रकम एकपटकमा अधिकदम २ सय रुपैयाँ हुनेछ।

यो अफर आईएमई पे को कार्ड पीओएस मेसिनबाट भुक्तानी गर्दामात्र लागू हुने छ। 

काठमाडौं उपत्यकामा रहेका  २४ वटा डेली ग्रोसरीको आउटलेटहरुमा यो अफर लागू हुनेछ। आईएमई पेका ग्राहकले आइएमई पेको भिसा कार्ड नि:शुल्क लिनसक्छन्।