काठमाडौं- दुई दिनअघि दुग्धजन्य पदार्थको मूल्य बढाउने निर्णय गरेका डेरी उद्योगीहरुले निर्णय फिर्ता गरेका छन्। 

कृषि मन्त्रालयको अनुरोधमा उद्योगीहरूल मूल्यवृद्धिको निर्णय फिर्ता गरेका हुन्। 

मूल्य समायोजनका लागि विज्ञ टोली गठन गर्ने र सोही टोलीको सिफारिसका आधारमा नयाँ मूल्य निर्धारण गरिने मन्त्रालयको आश्वासनपछि उद्योगीहरू तत्काल मूल्यवृद्धि नगर्न सहमत भएका हुन्।  

हालका लागि मूल्यवृद्धि स्थगन गर्न डेरी उद्योग संघले सबै उद्योगीलाई आग्रह गरेको छ। 

यसअघि उद्योगीले खरिदमा प्रतिलिटर १२ रुपैयाँ र बिक्रीमा १४ रुपैयाँ मूल्य बढाउने निर्णय गरेका थिए।