काठमाडौं- नेपाल विद्युत प्राधिकरणले उपभोक्तालाई द्रुत सेवा दिनका लागि उपभोक्ता सेवा युनिट बनाएको छ। 

सेवा सुविधामा ढिलासुस्ती भएमा केन्द्रीय अनुमगन गर्ने व्यवस्था प्राधिकरणले मिलाएको छ। 

कुनै पनि ग्राहकले सिंगल मिटर कनेक्सनका लागि आवेदन दिएको पाँच दिनभित्र जोडिने यदि त्यो अवधिमा नभएमा फोन गर्न आग्रह गरेको छ। 

सम्बन्धित कार्यालयबाट सेवा सुविधा नपुगेमा प्राधिकरणले अतिरिक्त नियमन गर्ने भएको छ। 

त्यस्तै थ्री फेज मिटर कनेक्सनका लागि आवेदन दिएको १० दिनभित्र नजोडिएमा पनि फोन गर्न आग्रह गरेको छ। जीआईएस गर्नुपर्ने भएमा भने केही समय ढिला हुने छ। 

यसरी ५ र १० दिनभित्र जोडिनुपर्ने मिटर नजोडिएमा ९८५१३२२११७ नम्बरमा फोन गर्न प्राधिकरणले आग्रह गरेको छ। 

सम्बन्धित कार्यालयबाट सेवामा ढिलाइ भएमा प्राधिकरणले केन्द्रीय स्तरबाट निर्देशन तथा अनुगमन गर्ने संयन्त्र बनाएको छ।