काठमाडौं- सन् २०२२ को नोभेम्बर महिनामा नेपाल भ्रमणमा आउने पर्यटकको संख्या साढे ७२ हजारभन्दा बढी पुगेको छ।

अध्यागमन विभागका अनुसार नोभेम्बर महिनामा नेपाल भ्रमणमा आउने विदेशी पर्यटकको संख्या ७२ हजार ६ सय ५३रहेको छ।

नोभेम्बर महिनामा सबैभन्दा बढी पर्यटक भारतका रहेका छन्। भारतबाट मात्रै नेपाल भ्रमणमा आउने पर्यटकको संख्या २० हजार ५ सय ३२ रहेको छ।

यसैगरी दोस्रोमा अमिरकी पर्यटक रहेका छन्। अमेरिकाबाट ७ हजार ८ सय ३१ जना नेपाल भ्रमणमा आएका छन्।

अध्यागमन विभागका अनुसार सार्क देशहरुबाट २४ हजार ५ सय ९९, सार्क देशबाहेकका एसियाबाट ९ हजार ४ सय १५, युरोपबाट १७ हजार  २ सय २९, अष्ट्रेलिया र न्यूजिल्याण्डबाट ३ हजार ७ सय ७७, मिडईस्टबाट ८ सय ७६ र अमेरिकी मुलुकहरुबाट ९  हजार १५ जना पर्यटक नेपाल भ्रमणमा आएका छन्।