समानुपातिकमा एमालले २३ प्रतिशत मत पाउँदा थ्रेसहोल्ड नकटाउने साना दलको मत २५ प्रतिशत

बिजनेस न्युज

शुक्रबार, मंसिर ९ २०७९

समानुपातिकमा एमालले २३ प्रतिशत मत पाउँदा थ्रेसहोल्ड नकटाउने साना दलको मत २५ प्रतिशत

तीन प्रतिशत मत नकटाउने दलले समानुपातिकबाट कुनै पनि सिट पाउँदैनन्।

काठमाडौं- निर्वाचन आयोगले अहिलेसम्म प्रतिनिधि सभा अन्तर्गतको समानुपातिक तर्फ कुल ४५ लाख १७ हजार ५७ सदर मतको नतिजा सार्वजनिक गरेको छ।

जसमा सबैभन्दा बढी नेकपा एमालले १० लाख ४० हजार ६ सय २४ मत पाएको छ। जुन सदर मतको २३.०३ प्रतिशत हो।

यसैगरी नेपाली कांग्रेसले अहिलेसम्म ९ लाख ९६ हजार ३ सय १६ मत पाएको छ। कांग्रेसले सदर मतको २२.०५ प्रतिशत मत पाएको छ। यसैगरी रास्वपाले सदरमतको १०.८५, माओवादीले १०.१५ प्रतिशत, राप्रपाले ५.८६ र जसपाले २.८९ प्रतिशत मत पाएको छ। जसपालाई अहिलेसम्म थ्रेसहोल्ड नकटाउने अवस्थामा रहेका ४१ पार्टीले पाएको मत भने ११ लाख ३५ हजार ७ सय ४९ मत पाएका छन्। यो मत सदर मतको २५.१४ प्रतिशत हो।