काठमाडौं- निर्वाचन आयोगले प्रतिनिधि सभा र प्रदेश निर्वाचन २०७९ मा ६१ प्रतिशत मत खसेको प्रारम्भिक रिपोर्ट सार्वजनिक गरेको छ।

आयोगले आइतबार राति प्राप्त तथ्यांकअनुसार देशभर ६१ प्रतिशत मत खसेको जनाएको हो। यो विवरण सबै तथ्यांक आएपछि बढ्ने निर्वाचन आयोगले जनाएको छ।

राजनीतिक दल र उम्मेदवारबीचको विवादले विभिन्न जिल्लाका १५ केन्द्रमा मतदान स्थगित भएको पनि आयोग जानकारी दिएको छ।  

आयोगका अनुसार सुर्खेत, नवलपरासी, बाजुरका  र गुल्मीका केही तहमा मतदान स्थगित भएको छ। यता आयोगले अपेक्षा अनुसार मत नखसेको बताएका छ।

स्थगित भएको ठाउँमा २ दिन भित्र मतदान गर्न निर्देशन दिएको प्रमुख निर्वाचन आयुक्त दिनेशकुमार थपलियाले बताए। प्रारम्भिक परिणाम अनुसार यस पटक खसेको मत २०७४ को भन्दा ७ प्रतिशतले कम हो। २०७४ मा ६८ प्रतिशत मत खसेको थियो।