काठमाडौं- ल्यापटप लगायतका विद्युतीय उपकरण बिक्री गर्ने नियोटेरिक प्रालीले पछिल्लो एक वर्षमा ३ अर्ब ७८ करोडको कारोबार गरेको छ। 

कम्पनीले गएको वर्षमा मात्र ३ अर्ब ७८ करोड ८० लाख रुपैयाँको बिक्रीबाट आम्दानी गरेको छ। 

गोल्छा समूह अन्तर्गतको यो कम्पनीले नेपाली बजारमा विभिन्न ल्यापटप ब्रान्डका लागि आधिकारिक वितरक तथा डिलर रहेको छ। डेलका ल्यापटप बिक्री गर्ने यो कम्पनीले विभिन्न ३० ब्रान्डका एक हजारभन्दा बढी डिभाइसको बिक्री वितरण गर्दै आएको छ। 

पछिल्ला तीन वर्षमा कम्पनीको कारोबार निरन्तर बढीरहेको छ। तीन वर्षअघि १ अर्ब ९२ करोडको कारोबार गरेको कम्पनीले दोस्रो वर्ष ३ अर्ब ३२ करोडको कारोबार गरेको थियो। 

कारोबारसँगै मार्जिन पनि बढाएको छ।  यद्यपि पछिल्लो वर्ष थोरैले घटेको छ। रेटिङ एजेन्सी केयर रेटिङ नेपालका अनुसार कम्पनीको मार्जिन ६.१२ प्रतिशत मात्र रहेको छ।