काठमाडौं- कार्बन उत्सर्जन न्यूनीकरणमा लगानी गर्ने उद्देश्यसहित विश्व बैंकले बहुपक्षीय कोष घोषणा गरेको छ। 

इजिप्टमा जारी कोप२७ मा विश्व बैंकका अध्यक्ष डेभिड मल्पसले  स्केल नामको कोष घोषणा गरेका हुन्। 

दाता तथा लक्षित राष्ट्रहरूको सहभागितामा यस्तो कोष स्थापना हुने छ। गरिब तथा विकासोन्मुख मुलुकमा कार्वन उत्सर्जन न्यूनीकरणका लागि लगानी(अनुदान) का लागि कोष स्थापना भएको छ। 

यो कोषबाट पुष्टि हुने उत्सर्जन घटाउने परियोजना तथा कार्यक्रममा लगानी हुने छ। 

यो कोषबाट विश्वमा जलवायु लगानीको नयाँ ढोका खुलेको विश्व बैंका अध्यक्ष मल्पासले बताएका छन्। 

'स्केलले कार्वन क्रेडिट बजारलाई परिपक्क बनाउनका लागि महत्वपूर्ण भूमिका खेल्ने छ' उनले भनेका छन्। 

जलवायुका क्षेत्रमा पछिल्लो दुई दशकको लगानी अनुभव भएको विश्व बैंकले यो कोषबाट परिणामयोग्य लगानीमा काम गर्ने घोषणा गरेको छ।